Ноён Д. Мөнхтөр нь 1997 онд МУИС-ийн ЭЗС-ийг Санхүүгийн удирдлагын бакалавр зэрэгтэй, 2009 онд АНУ-ын Оклахомагийн Их Сургуулийг Бизнесийн удирдлагын магистр зэрэгтэйгээр дүүргэсэн.

1996 оноос Голомт банканд Туслах ажилтнаас эхлэн Эдийн засагч, Зээлийн газрын захирал, Бүртгэл тооцооны газрын захирал, 2011 оноос Тэргүүн дэд захирлаар ажиллаж байсан арвин туршлагатай. Одоо Цэцэнс Майнинг Энд Энержи ХХК-д Гүйцэтгэх удирдлагын үүрэгт ажлыг гүйцэтгэж байна.

Тэрээр Ажилтанд хувьцаа эзэмшүүлэх хөтөлбөрийн хүрээнд хувьцаа эзэмшигч болсон ба эдгээр 149 цөөнх хувьцаа эзэмшигчдийг төлөөлж 2012 онд ТУЗ-ийн гишүүнээр томилогдон ажиллаж байна.

О.Ганжолоо нь ХБНГУ-ын Берлин хотын Чөлөөт Их Сургуулийг эдийн засгийн онолын чиглэлээр магистр болон докторын зэрэгтэй төгссөн. Мөн Их Британийн Нэгдсэн Вант Улс болон Монгол Улсын мэргэшсэн нягтлан бодогч зэрэгтэй

Тэрээр ХБНГУ болон Монгол дахь Олон улсын PwC аудитын компанийн салбаруудад ажиллаж байсан ба өмнө нь Бодь Интернэшнл ХХК-ийн Санхүү эрхэлсэн захирлаар ажиллаж байсан туршлагатай.

О.Ганжолоо нь 2016 оноос өнөөг хүртэл Голомт Файнэншил Групп ХХК-ийн Гүйцэтгэх захирлын албан тушаалыг хашиж байна. Мөн 2022 оноос эхлэн Голомт банкны ТУЗ-ийн гишүүнээр томилогдон ажиллаж байна.

Ноён Двайер Notre Dame их сургуулийг Бизнесийн удирдлагын бакалавр, Колумбийн их сургуулийг Бизнесийн удирдлагын магистрын зэрэгтэй төгссөн бөгөөд тус сургуулийн 40,000 гишүүнтэй төгсөгчдийн холбооны ерөнхийлөгчөөр дараалан сонгогдон ажиллаж байсан.

Ноён Двайер 2001 онд Худалдаа хөгжлийн банк болон Хаан банкны хувьчлалын ажиллагаанд оролцохоор Монголд анх хөл тавьж, Хойд Америкийн Бизнес зөвлөлд Үйл ажиллагаа хариуцсан захирлаар ажилласан. 2007 онд Монголын Бизнесийн Зөвлөлийг үүсгэн байгуулсан бөгөөд 2016 он хүртэл Гүйцэтгэх захирал,  2017 оны дөрөвдүгээр сар хүртэл ТУЗ-ийн Дэд даргаар ажиллажээ. Тэрээр 1970 оноос хойш UBS банкны Компанийн нэгдэл, компани худалдан авах процесс хариуцсан захирлаар, Нью-Йорк хотын Wallstreet-д байрлалтай санхүүгийн байгууллагуудад хөрөнгө оруулалтын банкир хийж байсан туршлагатай.

Тэрээр одоо Мандал даатгал болон Mongolia Growth Group ХХК-иудад ТУЗ-ийн хараат бус гишүүн, Mongoljin private capital-ын ТУЗ-ийн Дэд дарга, Монголын боловсролын сангийн ТУЗ-ийн дарга, болон Ерөнхийлөгчийн албыг хашдаг бөгөөд хэд хэдэн байгууллагуудад зөвлөх үйлчилгээг үзүүлдэг.

Ноён Александр Пикер нь Австри улсын Салзбургийн их сургуулийг бизнес, хуулийн чиглэлээр магистр болон докторын зэрэгтэй төгссөн.
Анх 1989 онд ажлын гараагаа одоогийн Австри банкнаас эхлүүлж, Die ERSTE bank, International Moscow Bank (IMB), Unicredit Bank, JSC ATF Bank Hypo Alpe-Adria Bank, HBI Bundesholding AG зэрэг банкнуудад эрсдэл хариуцсан захирал, үйл ажиллагаа хариуцсан захирал, гүйцэтгэх захирал зэрэг удирдлагын албан тушаалуудад ажиллаж байсан олон жилийн туршлагатай.
Тэрээр одоо Дэлхийн банкны томоохон төслүүдэд ахлах зөвлөх, Узбекистаны Ипотека банкны хяналтын зөвлөлийн даргын албан тушаалыг хашиж байна.
Мөн 2021 оноос Голомт банкны ТУЗ-ийн хараат бус гишүүнээр томилогдон ажиллаж байна.

З.Солонго нь 2003 онд Энэтхэг улсын Гужарат мужийн Сардар Пател их сургуулийн бакалавр, 2017 онд СЭЗИС-ийн Компанийн засаглалаар мэргэшсэн Бизнес удирдлагын магистрын зэрэг хамгаалсан.

2017 онд Олон улсын санхүүгийн корпорациас (IFC) Сингапур улсад зохион байгуулсан Ази бүсийн ТУЗ-ийн Нарийн бичгийн даргын мастер хөтөлбөрт хамрагдаж, мэргэжил дээшлүүлсэн. 2007 оноос хойш Голомт банканд ажиллахдаа Гүйцэтгэх захирлын түвшинд Нарийн бичгийн дарга, Туслахын албан тушаал хашиж, 2015 оны есдүгээр сараас хойш Голомт банкны ТУЗ-ийн Нарийн бичгийн даргаар ажиллаж байна.

А.Одонбаатар нь 2008 онд МУИС-ийн Эдийн засгийн сургуулийн Банкны менежментийн бакалавр, 2013 онд Энэтхэг улсын Bangalore их сургуулийн Санхүүгийн удирдлага, Маркетингийн удирдлагын магистрын зэрэг хамгаалсан.

Тэрээр 2008-2014 онд Голомт банкны Дотоод аудитын газарт аудитор, 2014-2015 онд Зайсан скүэр тооцооны төвийн захирал, 2015-2016 онд Дотоод аудитын газрын Мэдээллийн технологи, Гүйцэтгэлийн аудитын хэлтэст захирлаар тус тус ажилласан бөгөөд 2016 оноос хойш Голомт банкны Аудит хариуцсан захирлаар ажиллаж байна.

Аудит хариуцсан захирал А.Одонбаатар нь 2016-2017 онд Дотоод аудиторуудын Олон улсын институтийн Монгол дахь салбар буюу Монголын үндэсний дотоод аудиторуудын холбооны Удирдах зөвлөлийн гишүүн, 2018 онд Ерөнхийлөгч, 2019 онд Удирдах зөвлөлийн дэд даргаар ажилласан бөгөөд 2020 оноос хойш Удирдах зөвлөлийн даргаар тус тус ажиллаж байна.