Голомт банк ажилтнууддаа болон тэдний гэр бүл, бяцхан үрсэд зориулан хөнгөлөлт хангамж, сургалт хөгжлийн олон хөтөлбөр арга хэмжээнүүдийг зохион байгуулдаг. Үүний нэг болох Good Vibes 6.0 хөтөлбөрийг 2023 оны нэгдүгээр сарын 26, 27-ны өдрүүдэд амжилттай зохион байгуулж өндөрлөлөө.

Энэ хүүхдүүд бол аав, ээжийн ажлаас зохион байгуулдаг “гоё” сургалтад хамрагдан хэрэгтэй зүйлс сурч мэдэн, хоёр өдрийг хөгжилтэй, сонирхолтой, үр бүтээлтэй өнгөрүүлсэн “Good Vibes 6.0” хөтөлбөрийн оролцогчид юм.

Хөтөлбөрийн хүрээнд Их Британи улсын сенатууд болон хатан хаан, эзэн хааны угсаа залгамжлагч хүүхдүүдийн суралцдаг “Этон” коллежийн албан ёсны эрхтэй сургалтыг Бүтээлч сэтгэлгээ, Илтгэх ур чадвар, Эрүүл мэнд зэрэг сэдвүүдээр Гүрэн академитай хамтран зохион байгуулсан ба Голомт банкны ажилтнуудын нийт 70 хүүхэд сургалтад хамрагдлаа.